|
(الشَّيْطَانُ يَعِدُكُمُ الْفَقْرَ шайтон сизларни (агар инфоқ-эҳсон қилсангиз) камбағал бўлиб қолишингиздан қўрқитади) яъни, сизларни агар инфоқ қиладиган бўлсангизлар, камбағал бўлиб қоласизлар, деб қўрқитади. Бу ўтган оятдаги молнинг ёмон жойидан инфоқ қилиш сабабини янгитдан баён қилишдир.
(وَيَأْمُرُكُم بِالْفَحْشَاء ва сизларни фаҳш ишларга буюради) яъни, бахиллик, садақа қилмаслик каби фаҳш, ёмон ишларга. Бу сўз шунингдек зино, ҳаромга сарфлаш, рибо ва бошқа гуноҳларни ҳам ўз ичига олади.
(Wوَاللّهُ يَعِدُكُم مَّغْفِرَةً مِّنْهُ وَفَضْلاً Аллоҳ сизларга ўз тарафидан мағфират ва фазлу карам (бойлик) ваъда қилади) яъни, ҳар икки дунё зафарини. Охиратда гуноҳларнинг мағфират этилиши ва Аллоҳнинг ризосига эришиш бўлса, бу дунёда яхши ризқ ва бировга муҳтож бўлмаслик. Амал қилгувчиларнинг ажри нақадар яхши!
Араб тилида ваъда сўзи мутлақ айтилганда яхшиликка нисбатан қўлланади. Агар қайдлаб айтиладиган бўлса, башорат сўзи каби унинг яхшиликка ёки ёмонликка нисбатан қўлланаётгани ўша қайдга қараб бўлади.
Бу оятда ваъда икки йўлга қайдланяпти.
(الشَّيْطَانُ يَعِدُكُمُ шайтон сизларни қўрқитади) яъни, ёмонликни.
(وَاللّهُ يَعِدُكُم Аллоҳ сизларга ваъда қилади) яъни, яхшиликни.
Ибн Масъуд ривоят қилишича, Пайғамбар с.а.в. шундай деганлар:
«إِنَّ لِلشَّيْطَانِ لَمَّةً بِابْنِ آدَمَ وَلِلْمَلَكِ لَمَّةً، فَأَمَّا لَمَّةُ الشَّيْطَانِ فَإِيعَادٌ بِالشَّرِّ وَتَكْذِيبٌ بِالْحَقِّ، وَأَمَّا لَمَّةُ الْمَلَكِ فَإِيعَادٌ بِالْخَيْرِ وَتَصْدِيقٌ بِالْحَقِّ، فَمَنْ وَجَدَ ذَلِكَ فَلْيَعْلَمْ أَنَّهُ مِنْ اللهِ، فَلْيَحْمَدْ اللهَ، وَمَنْ وَجَدَ الْأُخْرَى فَلْيَتَعَوَّذْ بِاللهِ مِنْ الشَّيْطَانِ»
«Одам боласининг кўнглига шайтон ҳам бир ўй-хаёл солади, фаришта ҳам бир ўй-хаёл солади. Шайтон солган ўй-хаёл ёмонликка буюриш ва ҳақиқатни ёлғонлатиш бўлса, фаришта солган ўй-хаёл яхшиликка буюриш ва ҳақиқатни тасдиқлатишдир. Уни (фаришта солган ўй-хаёлни) топган одам уни Аллоҳ томонидан билиб, Аллоҳга ҳамд айтсин. Наригисини (шайтон солган ўй-хаёлни) топган одам Аллоҳдан шайтондан паноҳ беришини сўрасин». Кейин Пайғамбар с.а.в. мана бу оятни ўқидилар:
الشَّيْطَانُ يَعِدُكُمُ الْفَقْرَ وَيَأْمُرُكُم بِالْفَحْشَاء
149-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232